9月時已於旅行社買了Cathay Pacific的 package, 價錢 HK$ 3,988(未連稅), 包括：
a) 有效期8天的機票, 早機去, 晚機返
b) 2晚 Hotel Nikko Bayside Osaka, 其他住宿自理
到達關西國際空港後, 我們立即買JR票往京都 (自由席2,980 yen). 票務員告訴我們還能趕及撘11分鐘後開出的火車, 想不到剛落機行程就咁緊湊, 我們即時以9秒9的速度跑往 JR車站, 時間剛剛好. 大阪去京都沿路鄉郊較多, 竟有些去了內地的感覺, 個多小時後終於到達目的地.
到達JR京都站, 首先去找旅客中心買市巴士 One Day Pass (550 yen), 可在1天內任坐市營巴士. (註：此 Pass 不適用於京都巴士或地鐵). 職員會給你一張京都地圖, 後面附有主要巴士路線參考, 非常方便.
日本大概5時多便天黑, 我們決定先往位於五条的旅館Costa Del Sol Kyoto (3人房連獨立浴室： 7,500 yen) check-in卸下行裝, 再外出走動. 根據旅館的地圖, 路程只需10分鐘, 但人生路不熟又拖著行李, 找了20分鐘才到. 房間很窄且舊, 浴室去水很差, 冲涼時一定水浸. 整體跟官方網頁有很大分別, 下次選擇京都住宿要小心點.
放下行李, 我們便出去散散心, 行路到四条通吃晚餐, 路經原定Day 2才去的錦市場, 便先逛逛. 錦市場類似香港的街市, 但較大和整潔, 最多是賣食材的店子, 還有其它類型的店. 不過時近6點, 很多店子已準備收舖, 有點失色. 走著走著, 肚子開始打鼓, 便在錦市場內的小食店, 每人買了大大枝炸魚片(約 400 yen)頂肚. A 要了八爪魚味, B的是芝士味, C則試魷魚味, 但其實主要得魚片味, 不過味道不錯.
再走到旺區四条河源町一帶, 那兒非常熱鬧, 終於有點去旅行的興奮感覺. B發現有間 blogger 推介的吉列專門店, 可惜要等30分鐘才有位, 珍惜時間的我們當然是另尋他選. 後來見到有間類似地道居酒屋的食店, 客人幾多, 又有樣本參看, 我們便走進去. A和B點了一級牛排定食, 牛排肉質鮮嫩, 的確是一級水準; C選了薑汁豬肉定食, 個汁做得好好. 定食的份量好多, 除了有飯, 竟然還有些意粉伴著, 但又吾貴, 每份定食都只是1,000 yen 左右. 店內啲日本人不論男女都飲酒食煙, 吾通佢地啲壓力真是咁大?
食飽飽, 散散步, 跟住就返民宿休息.
星期五同A傾電話